Hadeland dialekt- og mållag har årsmøte, 26.02.2025

Onsdag 26 Februar

Kl. 19:00 - 21:00, Hjertebo aktivitetssenter

Hadeland dialekt- og mållag har årsmøte

Når du kjem serverar vi snittar før vi får høyre innleiing frå styremedlem i Noregs Mållag, Kjetil Aasen, Oslo. Deretter vil nestleiar Anne Berit Rækken presentere vinnaren av Dialektprisen for Hadeland 2025! Det er nokre år sidan styret har delt ut Dialektprisen, men i fjor var det ein kandidat som peikte seg ut. Vi håper du vil bli med å heide vinnaren! Hadeland dialekt- og mållag har som føremål å gjere oss stolte av dialekta vår, auke kunnskapen om og vørnaden for nynorsk, dialektene våre generelt og hadelandsmålet spesielt. Skal vi behalde hadelandsdialekta som det dominerande talemålet må hadelendingane vere stolte av talemålet sitt. Det har vi all grunn til å vere. Vel møtt i kantina på Hjertebo aktivitetssenter, onsdag 26. februar 2025 kl. 19.00. Årsmøtet er ope for alle. Vil du bli medlem, er du spesielt velkommen! Medlemmer fekk sakene tilsendt på e-post 1. februar. Biletet viser styret som vart valt av årsmøtet i fjor. Foto: Nina Hoel