Olav Veka kan svare på det meste som har med norske etternamn å gjera, og han vil illustrere med lokale eksempel: Avtjern, Bildengjerdingen, Bjone, Elvestuen, Prestkvern, Kværn, Gammekinn, Østen, Rækken osv.

Litt meir informasjon om foredraget:
I 1923 fekk vi lov om personnamn, som bestemte at alle skulle ha eit fast etternamn. Namnelova har vorte endra fleire gonger på desse dryge 100 åra, men vi har framleis ei namnelov som inneheld reglar om personnamn, dvs. om namneplikt, om etternamn, fornamn og mellomnamn, og om korleis ein registrerer og endrar namn.

Olav Veka vil gi oss eit fagleg blikk på etternamna våre, og her er nokre av spørsmåla han vil ta opp i foredraget sitt:
• Er norske etternamn dei mest spesielle i Europa?
• Kva er skilnaden på gardsnamn og slektsnamn/etternamn?
• Kva skriv du deg eigentleg?
• Kan du kalle deg kva du vil?
• Er bindestreksnamna ein uskikk?

Arrangementet er ope for alle. Inngangspengar 100 kr. Medlemmer i Hadeland dialekt- og mållag kjem inn gratis.

Bilete er av Olav Veka, Brumundal. (Privat)