Solbjørg er ei populær vertinne på turisthytta Fondsbu ved Eidsbugarden, der ho syng kvar kveld for middagsgjestene sine og viser rundt i Vinjebui, som Vinje fekk reist saman med kompisane sine. Den enkle hytta vart ein sped start på det som seinare skulle bli DnT, Den norske Turistforening. 

Nokon av oss hugsar at Solbjørg heldt minnetale utan manuskript i 2014, då vi hadde minnehøgtida ute i solveggen, sjå biletet. Då alle trudde ho var ferdig, begynte Solbjørg å synge. Det blir spennande å høyre henne i gjen.

Dei siste åra har vi halde  minnestunda inne i Mariakyrkja, slik at alle får sitte varmt og tørt om det skulle kome nordavind eller regn. Mannskoret KK vil synge kjende Vinje-songar, og Solbjørg held minnetale før vi går ut og legg ned krans på grava. 

Minnestunda er eit samarbeid med Kirken i Gran og Mannskoret KK.

Etterpå kan du nyte frukost i Granavolden Gjæstgiveri eller i Kommunehuset, før konserten tek til i Nikolaikyrkja med Mannskoret KK. 

Foto:Privat